smulpaap  s.nw.  

Iemand wat dikwels en graag baie eet.

Uit Nederlands smulpaap (1715), ‘n samestelling van smul en paap "pous", wat later bloot "geestelike, pastoor, priester" beteken het: so genoem omdat die opvatting vroeër gehuldig is dat die kerkowerstes rojaal kon eet en drink.

papie s.nw.

Toegespinde vorm van ‘n insek tussen larwestadium en vliegstadium.
Uit Ndl. paapje (1757 – 1762), die verkleinw. van paap "Rooms-Katolieke geestelike".

Woordeboek van die Afrikaanse Taal

Stellenbosch

Tel. 021 887 3113

www.wat.co.za

Nog vele meer Lees op www.breytenbachsentrum.co.za meer oor ons projekte – van dans, klavierklasse, tot kreatiewe handvaardigheid en rekenaargeletterdheid.

]]> http://afrikaansetaalraad.co.za/?feed=rss2&p=4185 0 http://afrikaansetaalraad.co.za/?p=4174 http://afrikaansetaalraad.co.za/?p=4174#comments Thu, 17 May 2012 03:55:50 +0000 Alana http://afrikaansetaalraad.co.za/?p=4174

Die Kaapse Affodille Dames Boereorkes is uitgenooi na die grootste ‘Folk Festival’ in Duitsland: https://tff-rudolstadt.de/en/tff-2012/main-program.html
Hulle gaan musiek maak te Rudolstadt tussen 5 en 8 Julie 2012, Duitsland.

Dit is die jaar van die Konsertina – ‘The Magic Instrument’ en dus gaan Die Kaapse Affodille musiek maak by hierdie fees met hul konsertinas.
Mariaan Wiese en Leonie Avenant vertrek al reeds die 30ste Junie. Die res van die orkes sluit by hulle aan op die 4de Julie, waar hulle as volg gaan optree:
05.07.2012: Tanzzelt: 22:30 (Dans)
06.07.2012: Burgterrasse: 18:30 (Magic Concertina)
07.07.2012: Altes Rathaus: 12:00 (Magic Concertina)
07:07.2012: Markt Große Bühne: 15:00 (Concert)
07.07.2012: Stadtkirche: 21:00 (Magic Concertina)
08.07.2012: Tanzzelt: 19:30 (Dance)

Die bekende prof. Louise Viljoen is op 25 Mei die gas by die Woordeboek van die Afrikaanse Taal se volgende Woordpret-geleentheid.  Louise Viljoen is ‘n letterkundedosent aan die Departement Afrikaans en Nederlands van die Universiteit Stellenbosch maar het ook bekendheid verwerf as resensent van Afrikaanse prosa en poësie en as spreker.

Willem Botha sal met haar gesels oor hoe sy haar boekresensies benader, watter rol resensies speel in mense se keuse van die boeke wat hulle lees en ander aspekte van resensieskrywing.   Hulle sal ook gesels oor Afrikaanse boeke  wat die afgelope tyd verskyn het.

Kate Jackson, kommunikasie- en bemarkingshoof van Durbanville Hills Wines, sal van die landgoed se gesogte wyne kom bekendstel.  Wyn, sap en ligte verversings is vanaf 12:30 beskikbaar en Louise Viljoen kom om 13:00 aan die beurt. Die program duur ongeveer 45 minute en sal dus voor 13:45 ten einde loop. 

Kaartjies kos R25.  Skakel Cecile of Tanja voor of op 24 Mei by 021 887 3113 of kontak die WAT by wat@sun.ac.za om u sitplek te bespreek.  Daar is sitplek vir slegs 50 persone. Die Buro van die WAT is in Banghoekweg 115, Stellenbosch. 

As die wet eenmaal deur die Parlement aanvaar is, lê die groot toets in die toepassing daarvan. Gaan die ANC-beheerde instellings soos staatsdepartemente, provinsiale regerings en munisipali­teite werklik die realiteite van taalbedelings in hulle gebiede eerbiedig? Gaan die monitering van die toepassing van die Taalwet deur die Minister effektief en afdwingbaar wees?

Gevaarligte wat flikker, is die Minister van Kuns en Kultuur se bevoegdheid om die Pan-Suid-Afrikaanse Taalraad oor taalregte en die toepassing daarvan te raadpleeg. Hy raadpleeg dan ‘n instansie wat bedoel was om ‘n kragtige moniteringsliggaam vir die talebedeling in Suid-Afrika te word, maar wat binne sy eie department ‘n tandelose leeu geword het. Dié liggaam word geteister deur interne konflikte en beweerde korrupsie. Befondsing deur PanSAT vir taalliggame, soos onder meer die Nasionale Taalliggaam vir Afrikaans (NTLA) en ook die ooreenstemmende liggame in ander tale, is effektief gestaak.

Afrikaanse kulturele liggame moenie nou ontspan en meen dat die saak vir Afrikaans op regeringsvlak volledig gewen is nie. Monitering van taalbeleidtoepassing deur die sprekers van die verskillende tale in Suid-Afrika is nog steeds van die grootste belang, het die ATR gesê. Die ATR het intussen die dienste van ‘n internasionale taalregtedeskundige, prof. Fernand de Varennes van Australië, verkry om die gewysigde wetsontwerp te bestudeer en daaroor verslag te doen. Prof. De Varennes het regerings wêreldwyd oor taalregtesake geadviseer. Hy is tans ‘n besoekende professor by die Universiteit van Pretoria.

Paulus het vir ons vertel dat tale vergaan, maar die liefde bly staan. Wanneer ‘n bysaak soos Afrikaans ‘n hoofsaak soos verhoudings tussen mense vertroebel, moet jy mooi dink wat vir jou die belangrikste is.

Die digter Danie Marais het ‘n paar diep dinge hieroor te sê gehad in ‘n onlangse artikel in By. As amptelike Afrikaans vir ‘n paar euro’s ‘n regse anti-Moslem Hollandse groep sy vriende maak, misken dit sy eie wese. Dié tipe miskenning het Afrikaners nog altyd onderling verdeel. Die eerste Afrikaanse geskrif was, ironies genoeg, ‘n vertaling uit die Koran.

As jou naelstring aan Hollands en nie ‘n Afrikakombuis nie vas is, gee jy vir Oom Lokomotief en sy vriende hierdie eer en bly Afrikaans vir jou ‘n identiteits- en nie ‘n verhoudingsvormer nie.

Die oorlewing van Afrikaans hang nie af van wat op Stellenbosch gebeur nie, maar aan die vergewensgesindheid van ‘n Adam Small wat bereid is om ‘n Hertzogprys dekades nadat hy dit verdien het, te aanvaar. Dit nieteenstaande, soos hy skryf, "dinge wat steeds, elke dag, nee, elke oomblik van elke dag, soos ‘n rasper, pynlik oor ons gevoelens skraap".

Dan Badenhorst

Kaapstad

Kyk hier na die onderhoud.

Lees die berig oor die ATR se besoek aan die Oos-Kaap hier.