Die Suid-Afrikaanse Vertalersinstituut

SAVI

Die Suid-Afrikaanse Vertalersinstituut (SAVI) is ’n professionele organisasie vir taalpraktisyns in Suid-Afrika. Alle vertalers, tolke, teksredigeerders, proeflesers, teksresensente, terminoloë, kopieskrywers en enigiemand wat by die taalbedryf betrokke is, kan aansluit. SAVI is nie ’n werkverskaffingsagentskap nie.

Baie van ons professionele lede is in die databasis op hierdie webwerf opgeneem (sien ‘Soek ’n taalpraktisyn’) en kan regstreeks gekontak word vir kontrakwerk. As u nie vind wat u soek nie of ’n gespesialiseerde versoek het, kan die SAVI-kantoor om hulp genader word.

As u nog nooit ’n vertaler of ander taalpraktisyn se dienste gebruik het nie, lees asseblief in ons nuttige gids die wenke onder Riglyne vir Kliënte oor hoe om die volle voordeel uit u sakeverhouding met ’n taalpraktisyn te trek.

Webtuiste: www.translators.org.za